Pakistan News – مجھ سے پوچھے گئے سوالات کا کوئی سر ہے نہ پیر: حسن نواز

0
176
panama_sharif
Pakistan News - JIT asks Irrelevant Questions to Me
Pakistan News – JIT asks Irrelevant Questions to Me

جے آئی ٹی کو دستاویزات مانگنے کا حق نہیں پھر بھی فراہم کر رہے ہیں، جھوٹ جھوٹ رہے گا، سچ سچ رہے گا، وزیر اعظم کی ہدایت پر حاضر ہوا ہوں: میاں نواز شریف کے بیٹے کی جے آئی ٹی میں پیشی کے بعد میڈیا سے گفتگو

اسلام آباد: (دنیا نیوز) حسن نواز نے جے آئی ٹی میں پیشی کے بعد میڈیا سے گفتگو کرتے ہوئے کہا بچوں کو بلا کر نوازشریف پردباؤ ڈالا جا رہا ہے، مجھ سے پوچھے گئے سوالات کا کوئی سر ہے نہ پیر، جے آئی ٹی کو دستاویزات مانگنے کا حق نہیں پھر بھی فراہم کر رہے ہیں، یہاں عدالتی کارروائی ختم ہو گئی اور تحقیقات جاری ہیں، سو بار بلائیں گے تو سو بار آئیں گے، جھوٹ جھوٹ رہے گا، سچ سچ رہے گا، وزیر اعظم کی ہدایت پر حاضر ہوا ہوں۔

حسن نواز نے مزید کہا کہ کیس بھی چل رہا ہے اور ابھی تک الزام ڈھونڈا جا رہا ہے، جے آئی ٹی نےسمن کا جمعہ بازار لگا رکھا ہے، 85 سال کی دادی رہ گئی ہیں، انہیں بھی طلب کر لیں، انصاف ضرور کریں مگر انصاف ہوتا دکھائی دے۔ انہوں نے مزید کہا کہ جے آئی ٹی کا مسئلہ حسن، حسین اور مریم نواز نہیں، صرف نواز شریف ہے، الزام کیا ہے وہ تو بتا دیں، مجھ پر کوئی موٹرسائیکل چوری کا ہی الزام لگا دیں۔

واضح رہے وزیر اعظم میاں محمد نواز شریف کے بیٹے حسن نواز تیسری بار جے آئی کے سامنے پیش ہوئے، حسن نواز کی پیشی کے موقع پر عدالت کے باہر پاکستان مسلم لیگ (ن) کے کارکنوں کی بڑی تعداد موجود تھی جس نے حسن نواز کا استقبال کیا۔اس کے جواب میں حسن نواز نے ہاتھ ہلایا، حسن نواز کی پیشی کے موقع پر وفاقی وزیر اطلاعات مریم اورنگزیب کی والدہ طاہرہ اورنگزیب بھی موجود تھیں۔

 

LEAVE A REPLY

Please enter your comment!
Please enter your name here